Actividades.
 

Data da última actualización: 16/11/2017


Próximas actividades


Etnografía e algo máis na península do Grove".
 

 Día: 25 de Novembro (sábado):

 
Como alternativa á xeira de Ourense para ver a exposición dos Suevos que todavía non está aberta, propoñemos unha xeira que vai deparar máis dunha sorpresa. Iremos ata a península do Grove, para coñecer O Quinteiro de Temperán, un soprentente espazo museístico situado nunha singular construcción agraria destas terras, na que probablmente poidamos xantar tamén. Visitaremos despois o Museo da Salga, de Punta Moreiras, o más completo de Galicia para coñecer as orixes das conservas en salazón. E haberá moito máis, se o tempo atmósferico o permite pasearmos unha horiña por unha fermosa ruta cerca do mosteiro de Armenteira, a da Pedra e a Auga. Eu non perdería por nada esta xeira, ademáis non haberá que madrugar, pois sairemos ás 9,00 horas dende as paradas habituais.

Da Beira Alta á Beira Baixa".  

 Días: 6-10 de Decembro:

 

Xeira de cinco días por  terras portuguesas, na que visitaremos, entre outros lugares, o Museo de Lanificios, en Covilha; o Museo do Coa, en Vila Nova de Foz Coa, onde veremos tamén un dos xacementos con gravados rupestres que son hoxendía Patrimonio da Humanidade; os xardíns do Pazo Episcopal, en Castelo Branco; o castelo e a igrexa románica de Carrazeda de Ansiaes; o dolmen de Cunha Baixa, en Manguale; o vale glacial do Zézere; o retablo de Joao de Ruao da catedral de Guarda; o museo do Mar de Ilhavo...
Durmiremos as catro noites na cidade de Guarda.

Actividades anteriores


Lugo: Museo catedralicio e novos espazos expositivos".  

 Día: 22 de Outubro (Domingo):

 

Moi interesante Xeira a Lugo organizada e guiada por Pancho Gallego
Mais información no PDF.

Programa en PDF

 

Ruta Pondaliana".  

 Día: 16 de Setembro (sábado):

 

Para lembrar a Eduardo Pondal, no centenario do seu pasamento, iremos ata terras de Ponteceso. En primeiro termo visitaremos o Melga (Museo Etnolúdico de Galicia), da man do seu fundador Ricardo Verdes, un dos mellores comunicadores que temos coñecido, onde pasaremos un rato moi divertido. A continuación e ao longo do día, iremos ata a Fundación Eduardo Pondal, ao Monte Branco, ao esteiro do río Anllóns, á praia de Balarés, lugares todos eles vencellados á figura do bardo de Bergantiños. Xantaremos en Ponteceso, e a hora de sáida será ás 9,00 horas dende as paradas habituais (Porta Real, praza de Ourense, Catro Camiños, Paxariñas). E claro está, daremos lectura a algún dos seus poemas.

 


 

Hai Sardíñada".  

 Día: 30 de Xullo (domingo):

 

Despois de non poucas vicisitudes co día e co lugar, por fin atopamos un sitio onde celebrar a tradicional sardiñada de verán. Será na parrillada "Montreux", en Baio. Ao longo da xornada vermos o castro das Barreiras, en Vimianzo, onde visitaremos tamén o seu Castelo, e o exterior do pazo de Trasariz.. Achegarémonos tamén ata o dolmen de Dombate e visitaremos o interior do pazo de Torres de Allo. Hora de saída: 9,00 horas, dende as paradas habituais (Porta Real, praza Ourense, Catro Camiños, Paxañiñas).


 

Arqueoloxía e paisaxe en Asturias e León".

  Días: do 7 ó 9 de Xullo.
 

 
Nesta xeira de fin de semana, sairemos o día 7, venres, ás 16,00 horas dende o Obelisco (única parada). Ese mesmo día, camiño do noso lugar de aloxamento, en Noreña, pararemos no miradoiro da ermita de La Regalina, un dos máis fermosos lugares da costa Occidental de Asturias.
O sábado seguimos todavía condicionados pola visita ao palacio Selgas-Fagalde, en El Pito, moi perto de Cudillero, pois todavía non temos confirmación a día de hoxe.Imagen de asturnatura.com
En calquera caso, serán obxecto da nosa atención a vila romana de Veranes, a igrexa prerrománica de Santa Cristina de Lena, e dentro da provincia de León, Riolago, onde visitarmos o palacio dos Quiñones, sede da Casa do Parque de Babia e Luna.
O domingo pola mañá está concertada a visita ao castro de Chao Samartín, do que nestes momentos hai unha exposición temporal no Castelo de San Antón, e na que a asociación participou activamente.
O regreso a casa seguirá a estrada de A Fonsagrada e Castroverde, en terras lucenses.

A Ulloa, Castelo de Pambre recuperado e Granxa Arqueixal".

  Día: 11 de Xuño (domingo)

Moi interesante Xeira organizada e guiada por Pancho Gallego
Mais información no PDF.

Programa en PDF

 

 

 

 

 

 

 


Mesa redonda-coloquio: Domvs. Unha casa romana no castro de Chao de

Sanmartín". (No Castelo de San Antón)


  Días: do 9 ó 11 de Xuño (fin de semana).
 

Imagen de asturnatura.comToda a información no PDF.
 

Programa en PDF

 

 

 

 

 

 

 

 

 

 

 


Cea - Asamblea Xeral Ordinaria".  
 

Día: 27 de Maio (sábado):

Leer convocatoria


A Terra de Lemos".

  Día: 20 de Maio (sábado).
 

Pola mañá visitaremos o Ecomuseo de Arxeriz, no concello do Saviñao, que garda, entre outras cousas, a máis importante colección de barcas fluviais da península; no seu terreo atópase tamén o castro de Arxeriz, obxecto de diversas excavacións nos tres últimos anos. A continuación achegarémonos ata Diomondi e Marrube, para ver as súas igrexas románicas. Logo de xantar, visitaremos o Museo do Ferrocarril de Galicia, en Monforte, onde ademáis da fermosa locomotora a vapor "Mikado", iremos nun pequeno tren ata a rotonda ferroviaria, o maior intercambiador de vías da península. Hora de saída: 8,30 horas, dende as paradas habituais.
 

Visita ó Arquivo Histórico de Galicia".

  Día: 1 de Marzo (mércores de Cinza).
 

Moy interesante visita ó Arquivo Histórico de Galicia o mércores 1 de Marzo as 6 da tarde. Prazas limitadas a 25 persoas.
Mais información no PDF.
Bó Antroido.


Programa en PDF

 

 

 

 

 

 


Os labardeiros de Mugares".

  Día: 28 de Febreiro (martes).
 

Como cada ano, disfrutaremos nunha nova celebración do Entroido. Da man de Pancho Gallego, achegarémonos ata Mugares, no concello de Toén, perto da capital ourensá, para coñecer ás personaxes deste carnaval, os "labardeiros" e as "señoritas", ainda que esto será despois do xantar que é cando comeza o desfile.

Pola mañá visitaremos as igrexas de Banga e de Mugares, decoradas ambas con pinturas murais manieristas na bóveda, desenvolvidas, sobre todo as de Banga, seguindo un complexo programa iconográfico, no que teñen cabida as teorías neoplatónicas de Marsilio Ficino, pintadas probablemente polo crego Bartolomé García de Bahamonde. Admiraremos tamén a delicada Piedade, do mestre de Sobrado, que forma parte do retablo de Banga; e se a choiva non o impide, veremos tamén a Pedra do Tangaraño, no concello de Barbadás, un dos máis significados enclaves da Galicia máxica. Hora de saída: 9:00 horas dende as paradas habituais.
Programa en PDF


Data da última actualización: 16/11/2017



Pezas do Museo Arqueolóxico
Detalle do colgante do colar articulado de Elviña.